ডিজিটেল ডেস্কঃ অন্ধ্ৰপ্ৰদেশ ৰাজ্যক বিশেষ ৰাজ্যৰ মৰ্যদা প্ৰদানৰ দাবীত লোকসভাৰ চেন্ট্ৰেল হ’লৰ সন্মুখত প্ৰতিবাদ অব্যাহত ৰখা টিডিপিৰ সাংসদ মুৰলী মোহন অসুস্থ হৈ পৰে৷ সাংসদগৰাকীক চিকিৎসালয় ভৰ্তি কৰিব লগা হয়৷ সংসদ ভৱন চৌহদত হঠাৎ অসুস্থ হৈ পৰে সাংসদগৰাকী৷ ততাতৈয়াকৈ সাংসদগৰাকীক চিকিৎসালয়ত ভৰ্তি কৰে আন সাংসদ তথা মাৰ্চেলে৷
Delhi: TDP MP Murli Mohan rushed to hospital after he fell ill during protest in Parliament over special category status for Andhra Pradesh. pic.twitter.com/H8RIsuWt5w
— ANI (@ANI) April 6, 2018
অন্ধ্ৰপ্ৰদেশৰ আঞ্চলিক দল তথা ৰাজ্যখনৰ শাসকীয় দল টিডিপিৰ সাংসদে বিশেষ ৰাজ্য প্ৰদানৰ দাবীত সংসদৰ ভিতৰে-বাহিৰে প্ৰতিবাদ অব্যাহত ৰাখিছে৷ বৃহস্পতিবাৰ টিডপিৰ সাংসদে লোকসভা ভৱনৰ চৌহদত ‘ধৰ্ণা’ অব্যাহত ৰাখিছে৷
বৃহস্পতিবাৰে নিশা লোকসভাৰ মাৰ্চেলে প্ৰথমে সাংসদসকলক বুজনি দি সদনৰ পৰা উলিয়াই নিয়াৰ চেষ্টা কৰে যদিও সাংসদসকলে কোনো কাৰণত ওলাই যাবলৈ ৰাজি নহয়৷ তাৰ পাছত মাৰ্চেলে দাং কোলাকৈ উলিয়াই আনিবলৈ বাধ্য হয় সাংসদসকলক৷ তাৰ পিছতো প্ৰতিবাদ অব্যাবক ৰাখিছে সাংসদসকলে৷
বৃহস্পতিবাৰে বিৰোধীৰ সাংসদৰ তীব্ৰ হৈ-হাল্লা, প্ৰতিবাদৰ বাবে লোকসভাৰ অধ্যক্ষ সুমিত্ৰা মহাজনে দিনটোৰ বাবে সদন স্থগিত ৰাখে৷ কিন্তু দেশৰ আন আন প্ৰান্তৰ বিভিন্ন দলৰ সাংসদসকল সদনৰ পৰা ওলাই আহে যদিও টিডিপিৰ সাংসদসকলে লোকসভাৰ ভিতৰতে অনশনত বহে৷ নিশালৈকে প্ৰতিবাদ সাব্যস্ত কৰাত চিকিৎসা কৰিব লগা হয় সাংসদসকলৰ৷
মাৰ্চেলে দাঙি উলিয়াই অনাৰ পিছতে এয়া অন্ধ্ৰপ্ৰদেশৰ লোকক কৰা অপমান বুলি কৈ প্ৰতিশ্ৰুতি পূৰণ কৰিবলৈ দাবী জনাই চৰকাৰক৷ বৃহস্পতিবাৰে পুৱাৰে পৰা লোকসভাৰ চেন্ট্ৰেল হ’ল অনশনত বহিছিল টিডিপিৰ সাংসদে৷ অধ্যক্ষৰ চেম্বাৰৰ পৰা ওলাই আহি চেন্ট্ৰেল হ’লৰ সন্মুখত ধৰ্ণাত বহে৷ বৃহস্পতিবাৰে নিশাও দুই টিডিপিৰ সাংসদ আনা কাপেল্লে আৰু এম শ্ৰীনিৱাস ৰাওক চিকিৎসালয়ত ভৰ্তি কৰিব লগা হৈছিল৷