গৌৰীসাগৰঃ দেশৰ ৰাজধানী দিল্লীৰ Constitution Clubত Delhi Action Committee for Assamৰ অনুষ্ঠিত বিতৰ্কিত NRCৰ সভাত জমিয়তৰ সভাপতি আৰ্শ্বাদ মাদানী উপস্থিত থাকি বিতৰ্কিত মন্তব্য কৰাত ৰাজ্য উত্তাল হৈ থকাৰ মাজতে বিশিষ্ট চিন্তাবিদ ড০ হীৰেন গোহাঁইক ভেকুলি আৰু মেটেকাৰ ওপৰত গৱেষণা কৰা বুলি কৈ চাৰ্কুলেছন নথকা অসমৰ কাকতত তেওঁৰ লিখা প্ৰকাশ পায় বুলি অসমৰ বাতৰিৰ কাকতৰ লগতে বিশিষ্ট বুদ্ধিজীৱী হীৰেন গোঁহাইক ইতিকিং কৰে বুদ্ধিজীৱী, জ্যেষ্ঠ সাংবাদিক ধীৰেন্দ্ৰ নাথ চক্ৰৱৰ্তীয়ে৷ ইমানে নহয় ৫০গৰাকী নগা চিপাহীক গুলীয়াই হত্যা কৰিব লাগে বুলি বিতৰ্কিত মন্তব্য আগবঢ়ায়৷
শৰাইঘাট ৰণৰ কৃতিত্ব জাতীয় বীৰ লাচিত বৰফুকনৰ নহয় বুলি দাবী কৰে৷ এই মন্তব্যৰ পিছতে উজনি অসমত তীব্ৰ প্ৰতিক্ৰিয়াৰ সৃষ্টি হয়৷ কেইবাটাও আহোম জাতীয় সংগঠনে জাঙু খাই উঠে ধীৰেন্দ্ৰ নাথ চক্ৰৱৰ্তীৰ বিৰুদ্ধে৷ বুদ্ধিজীৱী ধীৰেন্দ্ৰ নাথ চক্ৰৱৰ্তীয়ে এই মন্তব্য আগবঢ়োৱাৰ পিছতে প্ৰৰোচনামূলক আৰু অভিসন্ধিমূলক মন্তব্যই সীমান্তত বসবাস কৰা ৰাইজৰ মাজত অশান্তিৰ সৃষ্টি কৰাৰ লগতে নিৰপত্তা বিঘ্নিত হোৱাৰ আশংকা ব্যক্ত কৰা কৰি দিছপুৰ থানাত এজাহাৰ দাখিল কৰিছিল সমাজ সচেতক কমল কুমাৰ মেধিয়ে।
এইবাৰ জ্যেষ্ঠ সাংবাদিক ধীৰেন্দ্ৰ নাথ চক্ৰৱৰ্তীৰ বিৰুদ্ধে এজাহাৰ দাখিল কৰে বৃহত্তৰ গণ সন্মিলনে৷ জাতীয় বীৰ লাচিত বৰ ফুকনক অপমাণ কৰাৰ অভিযোগ উত্থাপন কৰি এজাহাৰ দাখিল কৰে সংগঠনটোৱে৷ অসমৰ ইতিহাসত সোণালী আখৰেৰে লিপিবদ্ধ হৈ থকা মহাবীৰ লাচিত বৰফুকনক কৰা অপমান সূচক মন্তব্যৰ প্রতিবাদ জনাই বুধবাৰে শিৱসাগৰ সদৰ আৰক্ষী থানাত এজাহাৰ দাখিল কৰে বৃহত্তৰ গণ সন্মিলন অসমে৷