newsnextone.com| নগাঁওঃ মৰিগাঁও জিলাৰ মৈৰাবাৰী পাব্লিক লাইব্ৰেৰী প্ৰেক্ষাগৃহত আজি মৈৰাবাৰী আঞ্চলিক জ্যেষ্ঠ নাগৰিক মঞ্চৰ সৌজন্যত আন্তৰাষ্ট্ৰীয় জ্যেষ্ঠ নাগৰিক দিৱস পালন কৰা হয়৷ এই উপলক্ষে অনুস্থিত হয় এক গাম্ভীৰ্যপূৰ্ণ আলোচনা সভা৷ শিক্ষাবিদ, জ্যেষ্ঠ নাগৰিক ৰহম আলীৰ সভাপতিত্বত অনুস্থিত হোৱা আলোচনা সভাখনত লাহৰীঘাট ৰাজহচক্ৰৰ চক্ৰ বিষয়া দ্যোতিভা বৰাই তত্বগধুৰ বক্তৃতা প্ৰদান কৰে৷
সাম্প্ৰতিক সময়ত বয়োজেষ্ঠ পিতৃ-মাতৃক একাংশ পুত্ৰ বোৱাৰীয়ে কৰা মানসিক শাৰীৰিক নিৰ্যাতনৰ বৰ্ধিত ঘটনা সমূহে আমাৰ পৰম্পৰা তথা সাতামপুৰুষীয়া ঐতিহ্যক ম্লান কৰাৰ কথা ভাষন প্ৰসংগত উল্লেখ কৰি এনে বৰ্ধিত প্ৰৱনতা আমাৰ সমাজ জীৱনৰ বাৱে ক্ষতিকাৰক বুলি উল্লেখ কৰি গভীৰ উদ্বেগ প্ৰকাশ কৰে চক্ৰ বিষয়া দ্যোতিভা বৰাই৷ সভাত উপস্থিত থাকি আন আন বক্তাসকলেও আজি দিৱসটিৰ তাৎপৰ্যৰ ওপৰত বক্তব্য আগবঢ়াই ৷