ছাদিকুজ জামান, মোৰাঝাৰঃ হোজাই জিলাৰ দক্ষিণ দেৱস্থানৰ দিন হাজিৰা কৰি পৰিয়ালক পো পাল দিয়া ব্যক্তি এজনৰ দুৰ্ভগীয়াই জীৱন পাৰ কৰিবলগীয়া ঘটনাই় সচেতন মহলৰ চকুলো সেমেকি গৈছে৷
যদিও ৰজা ঘৰৰ ব্যক্তি সকলৰ হৃদয় স্পৰ্শ কৰিব পৰা নাই৷ জানিব পৰা মতে দক্ষিণ দেৱস্থান অঞ্চলৰ আব্দুল নুৰ নামৰ ব্যক্তিজন বিগত কেইটা বছৰ ধৰি এক জটিল ৰোগত আক্রান্ত হৈ শয্যাশায়ী হৈ আছে৷ সাতজনীয়া পৰিয়ালটোৰ তেওঁৱে একমাত্ৰ উপাৰ্জনকাৰী৷
ফলত আজি পৰিয়ালটো দিশহাৰা হৈ পৰিছে৷ পৰিয়ালটোৱে চিকিৎসাৰ নামত পাৰ্যমানে চেষ্টা কৰিছে যদিও দৰিদ্ৰ পৰিয়ালটো আৰ্থিক দুৰ্বলতাৰ ফলত আব্দুল নুৰৰ চিকিৎসা বন্ধ কৰি দিব লগা হৈছে৷ চৰকাৰে বিভিন্ন সময়ত দৰিদ্ৰ ৰাইজৰ চিকিৎসা সেৱাৰ নামত কেৱাটাও আঁচনি আৰম্ভ কৰিছে৷ যদিও আজি লৈকে অসহায় পৰিয়ালটোৰ বাবে কোনো এখনো আঁচনি ঢুকি পোৱা নায়৷
ইফালে, স্থানীয় বিধায়ক আব্দুৰ ৰহিম আজমলক আৰ্থিক সহায় বিচাৰি কেইবাবাৰো পৰিয়ালটোৱে আবেদন কৰিছিল৷ যদিও কানসাৰ নিদিয়াই বুলি বিধায়কজনৰ বিৰুদ্ধে অভিযোগ উত্থাপন হৈছে৷
বিধায়কজনে বিষয়টোক গুৰুত্ব নিদিয়াত সচেতন ৰাইজে বিষয়টো সহজ ভাবে ল’ব পৰা নায়৷ অঞ্চলটোত থকা বিভিন্ন এন জি অ বা দল সংগঠনে পৰিয়ালটোৰ সহায়ৰ বাবে আগবাঢ়ি নহাত পৰিয়ালটো নিৰুপায় হৈ অসমবাসীয়ে পৰিয়ালটোৰ সহায় কৰাৰ বাবে প্ৰচাৰ মাধ্যমৰ জৰিয়তে কাতৰ আহ্বান জনাইছে৷
কোনো সদাসয় ব্যক্তি পৰিয়ালটোৰ মুৰব্বীজনক চিকিৎসাৰ বাবে সহায় কৰিব বিচাৰিলে 91 60013 31578 যোগাযোগ কৰাৰ
লগতে তেওঁৰ পত্নীৰ একাউণ্ট নম্বৰ : 7243027000004 অসম গ্ৰামীণ বিকাশ বেংক, দক্ষিণ দেৱস্থান শাখা ও টকা পঠিয়াব পাৰিব বুলি পৰিয়ালটো জানিবলৈ দিয়ে৷