বৰনৰ্দ্দীঃ নলবাৰী ১৪৯ বছৰীয়া ইতিহাস প্ৰসিদ্ধ দৌলগোবিন্দপুৰৰ দৌলউৎসৱটি বুধবাৰৰপৰা অহা ২২ মাৰ্চলৈ তিনিদিনীয়া বৰ্ণাঢ্য কাৰ্যসূচীৰে আৰম্ভ হৈছে।
নলবাৰীৰ যজ্ঞসেন বৰকাকতি ক্ষেত্ৰত অনুষ্ঠিত দৌল উৎসৱৰ কাৰ্যসূচী অনুসৰি ৰাতিপুৱা ৯ বজাত ধৰ্মধ্বজা উত্তোলন, ৯-৩০ বজাত স্মৃতিচাৰণ অনুষ্ঠান, ১০ বজাত গছপুলি ৰোপনেৰে কাৰ্যসূচীৰ আৰম্ভণি কৰা হয়।
আজি আবেলি ৪ বজাত শোভাযাত্ৰা, সন্ধিয়া ৫-৩০ বজাত দৌল উৎসৱ উদ্বোধন কৰিব অসম সাহিত্য সভাৰ প্ৰাক্তন সভাপতি কনকসেন ডেকাই। স্মৰণিকা উদ্বোধন কৰিব মুখ্যমন্ত্ৰী প্ৰেছ উপদেষ্টা হৃষিকেশ গোস্বামীয়ে। ৭ বজাত গন্ধসবাহ, দৌল উৎসৱৰ মাংগলিক অনুষ্ঠানত বন্তি প্ৰজ্বলক হিচাপে থাকিব অসম পৰ্যটন নিগমৰ অধ্যক্ষ জয়ন্ত মল্ল বৰুৱা, নলবাৰীৰ আৰক্ষী অধীক্ষক অমনজিৎ কৌৰ, অসমীয়া প্ৰতিদিন কাকতৰ উপ-সম্পাদক অঞ্জন শৰ্মা, পূব গুৱাহাটী বিহু সন্মিলনিৰ সাধাৰণ সম্পাদক দ্বীপজোতি মিশ্ৰ, সভাপতি বসন্ত দাস।৭-৩০ বজাত আতচবাজী, ৮-৩০ বজাত নাগাৰানাম৷
দ্বিতীয় দিনা ১০ বজাত সমুহীয়া হ’লী, ১ বজাত ভোগ বিতৰণ, ২ বজাত কলহ ভঙা প্ৰতিযোগিতা, আবেলি ৩ বজাত হোলী গীত প্ৰতিযোগিতা, সন্ধিয়া ৬-৩০বজাত আতচবাজী আৰু সাংস্কৃতিক অনুষ্ঠান। তৃতীয় দিনা ৯ বজাত চিত্রাংকন প্ৰতিযোগিতা প্ৰতিযোগিতা, ৯-৩০ বজাত পৰম্পৰাগত খেল ধেমালি প্ৰতিযোগিতা, ২ বজাত ৰাধাকৃষ্ণ প্ৰতিযোগিতা, ২-৩০ বজাত গোঁসাই প্ৰতিযোগিতা, গধূলি ৬-৩০ বজাত আতচবাজী, গধুলি ৭ বজাত সাংস্কৃতিক সন্ধিয়া অনুষ্ঠানত গীত পৰিৱেশন কৰিব গান্ধব্য সাংস্কৃতিক গোষ্ঠী, মানস ৰবীন, নিৰ্মালী দাস আৰু কল্লোল বৰঠাকুৰে।