নগৰবেৰাঃ ওৰেটাে জীৱন বৰপেটাৰ চৰ অঞ্চলত শিক্ষাৰ পোহৰ বিলোৱাত ব্যস্ত হৈ থাকি অৱসৰ গ্ৰহণ কৰা এম আব্দুল মজিদ নামৰ শিক্ষগৰাকীক বৰপেটা গ্ৰন্থ উৎসৱে সম্বৰ্ধনা যাচে৷ মানৱ সম্পদ গঢ়াৰ খনিকৰ শিক্ষা দানৰ বাহিৰে আন কথা নভবা বৰপেটা আলোপতিচৰৰ কৃতী শিক্ষক এম আব্দুল মজিদক বৰপেটা গ্ৰন্থ উৎসৱে সম্বৰ্ধনা জ্ঞাপন কৰাত আলোপতি চৰৰ সচেতন লোকসকলে আনন্দিত হৈ পৰে৷
পিছপৰা, বঞ্চিত চৰৰ লোকসকলক বিভিন্ন পক্ষই অৱহেলা নানা বদনাম কৰাৰ সময়তে চৰৰ এগৰাকী শিক্ষকক সম্বৰ্ধনা জনোৱাত বৰপেইটা ফেচবুক ফ'ৰাম'ৰ শলাগ লয় চৰৰ ৰাইজে৷ বৰপেটা বিদ্যাপীঠ খেল পথাৰ প্ৰাংগনত অনুষ্ঠিত দ্বিতীয় সংখ্যক বৰপেটা গ্ৰন্থ উৎসৱ উদযাপন সমিতিয়ে শিক্ষকগৰাকীৰ লগতে জিলা খনৰ বিভিন্ন প্ৰান্তৰ চাৰিগৰাকী অৱসৰপ্ৰাপ্ত কৃতী শিক্ষকক সম্বৰ্ধনা জনায়৷
বাঘবৰ সমষ্টিৰ আলোপতিচৰৰ অৱসৰপ্ৰাপ্ত কৃতী শিক্ষক এম আব্দুল মজিদক সম্বৰ্ধনা জনোৱাত চৰ অঞ্চলৰ সচেতন মহলৰ লগতে প্ৰাক্তন ছাএ-ছাএীসকলো উৎফুল্লিত হৈ পৰে৷ ৫ জানুৱাৰীৰ পৰা ১১ জানুৱাৰীলৈ বৰ্ণাঢ্য কাৰ্যসূচীৰে অনুষ্ঠিত হৈছিল বৰপেটা গ্ৰন্থমেলা৷