ডিজিটেল ডেস্কঃ জম্মু কাশ্মীৰৰ কুলগাম জিলাৰ দুগৰাকী নিৰ্দোষী যুৱকক নিউজ চেনেলত উগ্ৰপন্থী বুলি প্ৰচাৰ কৰাত তীব্ৰ চাঞ্চল্যৰ সৃষ্টি হয়৷ স্থানীয় নিউজ চেনেলে এই বাতৰি প্ৰচাৰ কৰাত চাঞ্চল্যৰ সৃষ্টি হয়৷ তাৰ পিছতে দুয়োটা চেনেলৰ বিৰুদ্ধে গোচৰ ৰুজু কৰে আৰক্ষীয়ে৷
আৰক্ষীৰ মতে, বি-৬ নামৰ নিউজ চেনেলটোৱে বাণীগুন্দ নামৰ ঠাইত এগৰাকী ফৰহান বই নামৰ উগ্ৰপন্থী নিহত হয়৷ উগ্ৰপন্থী ফৰহান বইৰ ঠাইত উচ্চতৰ মাধ্যমিকৰ ছাত্ৰ ফৰহান চফি আৰু ফৰহত চহিদ নামৰ নিৰ্দোষী দুই যুৱকৰ ফটো দেখুৱাই চেনেলটোৱে৷
সুৰক্ষা কৰ্মী আৰু উগ্ৰপন্থীৰ মাজত অনন্তনাগ জিলাৰ ককেৰনাগৰ লানু গাঁৱত ৯ জানুৱাৰীত সংঘৰ্ষ লাগিছিল৷ সংঘৰ্ষত উগ্ৰপন্থী ফৰহান বই নিহত হয়৷ উক্ত নিউজ চেনেলটোত উগ্ৰপন্থীৰ ঠাইত ১২ বছৰীয়া যুৱকৰ ফটো দেখুৱাই নিৰ্দোষী কিশোৰ দুগৰাকীক উগ্ৰপন্থী ৰূপে উপস্থাপন কৰে৷ ইয়াৰ পিছতে আৰক্ষীয়ে গোচৰ ৰুজু কৰি তদন্ত অব্যাহত ৰাখিছে৷