ডিজিটেল ডেক্সঃ সংবাদ মাধ্যমে এইকেইদিনত বলিউডৰ জনপ্ৰিয় অভিনেতা ঋতিক ৰৌশন তথা নৱপ্ৰজন্মৰ সকলোৰে প্ৰিয় টাইগাৰ শ্ৰফৰ যুটীয়াক লৈ বিভিন্ন ধৰণৰ খবৰ প্ৰকাশ কৰিছে৷ আগন্তুক চিনেমাৰ বাবে দুয়ো অভিনেতাই যো জা আৰম্ভ কৰিছে৷ যাৰ বাবে তেওঁলোকৰ ফেন্সবোৰেও যুটীয়াভাৱে দেখা পাবলৈ অধিৰ আগ্ৰহেৰে বাট চাইছে৷
আনফালে জানিব পৰা সূত্ৰে দুয়োজনেই একেলগে কাম কৰিবলৈ সুবিধা পোৱাৰ বাবে উৎকন্ঠা প্ৰকাশ কৰিছে৷ সাম্প্ৰতিক সময়ত টাইগাৰ শ্ৰফে নিজৰ আৰু ঋতিকৰ ফটো প্ৰকাশ কৰি চিনেমা কৰিবলৈ আগ্ৰহীত হোৱা প্ৰমাণ দিছে৷ দৰাচলতে টাইগাৰে ছবিখনৰ বাবে ৫ চেপ্তেম্বৰৰ পৰা শ্বুটিংৰ কামৰ বাবে ব্যস্ত হ’ব৷ আনহাতে ঋতিকে অহা মাহত ইটালীত শ্বুটিংৰ কাম আৰম্ভ কৰিব বুলি জানিব পৰা গৈছে৷ ছবিখনত দেখিবলৈ পোৱা যাব এক্সনৰ চিকুৱেন্স৷ য’ত টাইগাৰে এক্সনৰ দ্বাৰাই আৰম্ভণিৰ ভুমুকি মাৰিব ছবিখনত৷
এই ছবিখনত ঋতিকৰ বিপৰীতে ‘ৱেফিকৰে’ ৰ অভিনেত্ৰী বাণী কাপুৰক দেখা যাব৷ এক্সনৰ ওপৰত প্ৰাধান্য দিয়া ইন্টাৰনেছ’নেল এক্সন ক’ৰিঅ’গ্ৰাফাৰ এণ্ডী আৰু আৰ্মষ্ট্ৰাংগক ছবিখনৰ বাবে স্বাক্ষৰ লোৱা হৈছে৷ চিনেমাৰ পৰ্দাত যুটীয়াভাৱে দেখিবলৈ পোৱা দুয়ো অভিনেতাই কিমান পাৰদৰ্শিতা দেখুওবাৱ পাৰে তাৰ বাবে অপেক্ষা মাথোন৷