ছাইদুল ইছলাম, ডিফুঃ বিশ্বায়ণ পিতৃ দিৱসৰ লগত সংগতি ৰাখি পূব কাৰ্বি আংলঙত নিয়োজিত সেনাৰ ৰেড হৰ্ণ ডিভিজনে শনিবাৰে বকলিয়াঘাটত গ্ল’বেল ডে' অব পেৰেণ্টছ সন্দৰ্ভত এক বক্তৃতা অনুষ্ঠান আয়োজন কৰে৷
উক্ত বক্তৃতানুষ্ঠানত তিতলিগুৰি, ফলেংফেট আৰু বকলিয়াৰপৰা ২০ গৰাকী মহিলা আৰু বকলিয়াঘাট ৰূকাছেন কলেজৰপৰা ৪ গৰাকী শিক্ষকে অংশগ্ৰহণ কৰে৷ অনুষ্ঠানটোত বিশেষকৈ শিশুসকলক বিভিন্ন কেৰিয়াৰ সন্দৰ্ভত শিশুসকলৰ সাধ্য অনুসৰি অগ্ৰাধিকাৰ দিয়াৰ লগতে লক্ষ্য প্ৰাপ্ত নোহোৱালৈকৈ কঠোৰ পৰিশ্ৰম কৰিবলৈ পিতৃ-মাতৃসকলৰ মাজত সজাগতাৰ সৃষ্টি কৰা হয়৷
অনুষ্ঠানটো আৰম্ভ হোৱাৰ পূৰ্বে পিতৃ-মাতৃ আৰু শিক্ষকসকলৰ মাজত মুকলি মত বিনিময় হয়৷ উক্ত অনুষ্ঠানটোৰ বাবে স্থানীয় ৰাইজে সেনাৰ শলাগ লয়৷