ডিজিটেল ডেস্কঃ হ'ব পাৰে বিশ্বৰ সবাতোকৈ শক্তিৱান দেশৰ ৰাষ্ট্ৰপতি, পিছে ডনাল্ড ট্ৰাম্প সৌন্দৰ্যৰ পূজাৰী। বিশেষকৈ সুন্দৰী নাৰীৰ প্ৰতি তেওঁৰ স্নেহৰ কথা সৰ্বজনবিদিত।
ৰাষ্ট্ৰপতি হিচাপে নিৰ্বাচিত হোৱাৰ পূৰ্বেও ট্ৰাম্পৰ বিৰুদ্ধে নাৰী নিৰ্যাতনৰ অভিযোগে চৌদিশ তোলপাৰ লগাইছিল। নিৰ্বাচনত জিকি হোৱাইট হাউছত প্ৰৱেশ কৰিও তেওঁ এৰিব পৰা নাই পুৰণি অভ্যাস। এতিয়াও আগৰ দৰেই ট্ৰাম্প ৰূপহী মহিলাৰ প্ৰতি জোখতকৈ অধিক স্নেহাতুৰ।
হওতে ট্ৰাম্পৰ আছে এগৰাকী ৰূপহী ভাৰ্যা। হোৱাইট হাউছ পোহৰাই থাকে তেওঁৰ পত্নী মেলানিয়াৰ ৰূপৰ পোহৰে। যাৰ বাবে ট্ৰাম্পো গৰ্বিত। পিছে হলেও সুন্দৰী মহিলাৰ প্ৰতি আকৰ্ষণ এৰিব পৰা নাই ৰাষ্ট্ৰপতিজনে।
শেহতীয়াকৈ ট্ৰাম্প গৈছে ফ্ৰান্সলৈ। দেশখনৰ স্বাধীনতা দিৱসৰ বিশেষ কাৰ্যক্ৰম বেষ্টি ডে উদযাপনৰ উপলক্ষত পেৰিছত তেওঁ উপস্থিত হৈছে।
ভ্ৰমণকালত ট্ৰাম্পক প্ৰটকল অনুসৰি আদৰিলে ফ্ৰান্সৰ ৰাষ্ট্ৰপতি ইমানুৱেল মেক্ৰঁৱে। তেওঁৰ লগত আছিল পত্নী ব্ৰিজিট মেক্ৰঁ। আড়ম্বৰপূৰ্ণ আদৰণি পৰ্বতে ট্ৰাম্পৰ চকু পৰিল ব্ৰিজিটৰ ওপৰত।
থিতাতে শুভ্ৰ বসনধাৰী ব্ৰিজিটক ট্ৰাম্পে কলে, "বগা সাজযোৰে তোমাক তুলি ধৰিছে। তুমি অপৰূপা।" স্বাভাৱিকতে আলহী ট্ৰাম্পৰ কথাত লাজতে ৰঙা পৰিল ব্ৰিজিট।
ট্ৰাম্পৰ এই কাণ্ড এতিয়া বহুল প্ৰচাৰিত। বয়সৰ জোখাৰে তেওঁ এতিয়া ৭২ বছৰীয়া। এতেকে বহুতৰে মতে পৰকিতি লৰিছে মাৰ্কিন ৰাষ্ট্ৰপতিৰ।