মোৰাঝাৰঃ হোজাই জিলাৰ মোৰাঝাৰৰ বিশিষ্ট নাগৰিক, অগপ নেতা মোৰাঝাৰ বজাৰ জামে মছজিদ সমিতিৰ সভাপতি আলহাজ ফয়জুৰ ৰহমানে বৃহস্পতিবাৰে নিশা মৃত্যুক আকোৱালি লোৱাত শোকৰ ছাঁ পৰে মোৰাঝাৰত৷ মোৰাঝাৰ চিনিয়ৰ মাদ্ৰাছাৰ প্ৰতিষ্ঠাপক সম্পাদক দায়িত্ব পালন কৰাৰ লগতে মোৰাঝাৰৰ অনুষ্ঠান-প্ৰতিষ্ঠানৰ লগত জড়িত আছিল ৰহমান৷
অসম গণ পৰিষদৰ এজন সক্ৰিয় কৰ্মী অগপৰ কাৰ্যকালত বিভিন্ন উন্নয়ণ মুলক কামৰ সৈত জড়িত আছিল সমাজকৰ্নীগৰাকী৷ তেওঁৰ মৃত্যুত স্থানীয় আমছু, এন এছ ইউ আই, বিন্নাকান্দি ব্লক কংগ্ৰেছ, অসম গণ পৰিষদ দলৰ স্থানীয় নেতা বদৰুল ইছলামলগতে প্ৰাক্তন মুখ্যমন্ত্ৰী প্ৰফুল্ল কুমাৰ মহন্তই শোক প্ৰকাশ কৰে৷
মোৰাঝাৰ চিনিয়ৰ মাদ্ৰাছা পৰিয়াল, গাইডেন্স জুনিয়ৰ কলেজ কৰ্তপক্ষই শোক প্ৰকাশ কৰি পৰিয়াললৈ সমবেদনা জ্ঞাপন কৰে৷ মোৰাঝাৰ অঞ্চলে এজন অভিভাৱক হেৰুওৱা বুলি কয় বিভিন্নজনে। কেবা সহস্ৰাধিক গুণমুগ্ধৰ উপস্থিতিত স্থানীয় বজাৰ মছজিদত ১০.৩০ বজাত জনাজা সম্পন্ন কৰা হয়৷