দেৰগাঁওঃ বুধবাৰে দেৰগাঁও আৰক্ষী থানাত দেৰগাঁৱৰ ৰিপুল দাস নামৰ এজন যুৱকে বিশিষ্ট বুদ্ধিজীৱি ড০ হীৰেণ গোহাঁই আৰু জমিয়তৰ নেতা আৰ্শ্বাদ মাদানীৰ বিৰুদ্ধে এজাহাৰ দাখিল কৰে৷ ৰিপুল দাসে দেশৰ সাৰ্বভৌমত্ব অক্ষুন্ন ৰখাৰ স্বাৰ্থতেই গোচৰ ৰুজু কৰা হৈছে বুলি কয়৷
বিশিষ্ট বুদ্ধিজীৱি ড০ হীৰেণ গোহাঁই আৰু জমিয়তৰ নেতা আৰ্শ্বাদ মাদানীৰএই সম্পৰ্কত ভাৰতবৰ্ষৰ প্ৰধান মন্ত্ৰী, গৃহ মন্ত্ৰীলৈ এজাহাৰ সহ স্মাৰক পত্ৰ প্ৰেৰণ কৰি ব্যৱস্থা গ্ৰহণৰ দাবী জনাব বুলি কয় ৰিপুলে৷ দিল্লীত NRC সন্দৰ্ভত অনুষ্ঠিত এখন সভাত জমিয়ত উলেমা-ই-হিন্দৰ সভাপতি আৰ্শ্বাদ মাদানীয়ে অসম জ্বলিব, জ্বলাব আৰু মাৰিব, মৰিব বুলি কৰা মন্তব্যৰ বিৰুদ্ধে ৰাজ্যত তীব্ৰ প্ৰতিক্ৰিয়া
আজিও অব্যাহত থকাৰ সময়তে ৰাজ্যৰ-দল সংগঠন ৰাজ পথলৈ ওলাই আহি মাদানীৰ মন্তব্যৰ প্ৰতিবাদ কৰা পৰিলক্ষিত হৈছে৷ তাৰ মাজতে দেৰগাঁৱৰ ৰিপুল দাস নামৰ যুৱকজনে বিশিষ্ট বুদ্ধিজীৱি ড০ হীৰেণ গোহাঁই আৰু জমিয়তৰ নেতা আৰ্শ্বাদ মাদানীৰ বিৰুদ্ধে এজাহাৰ দাখিল কৰে৷ স্মৰ্তব্য য়ে, সোমবাৰে দিল্লীত অনুষ্ঠিত এখ বিশেষ সভাত অংশ গ্ৰহণ কৰি উলেমা-ই-হিন্দৰ সৰ্বভাৰতীয় সভাপতি আৰ্শ্বাদ মাদানীয়ে NRCত প্ৰায় ৩০ লাখ মানুহৰ নাম বাদ পৰিলে মাৰিব, মৰিব, জ্বলাব, জ্বলিব বুলি মন্তব্য প্ৰকাশ কৰিছিল৷
উক্ত সভাত ৰাজ্যৰ কেইবাগৰাকী বুদ্ধিজীৱী, সাংবাদিক উপস্থিত থকাৰ লগতে বিশিষ্ট চিন্তাবিদ ড০ হীৰেন গোহাঁই উপস্থিত আছিল৷ প্ৰায় ত্ৰিশ লাখ লোক NRCৰ পৰা বাদ পৰিলে পৰিস্থিতি ম্যানমাৰৰ দৰে হোৱাৰ আশংকা ব্যক্ত কৰে মাদানীয়ে৷ অসমৰ মাটি-পানীৰ সৈতে কোনো সম্পৰ্ক নথকা অসমৰ সমস্যাৰ হৈ কোনো দিনে মাত এষাৰ নিদিয়া মাদানীৰ এই মন্তব্যৰ পিছতে ৰাজ্যৰ দল-সংগঠন জাঙুৰ খাই উঠে৷