newsnextone.com। বিলাসীপাৰাঃ ধুবুৰী জিলাৰ কালীপাৰা হালংবাজাৰ অসম জাতীয় বিদ্যালয়ত দেওবাৰে পুৱা ১০:৩০ বজাত বিলাসীপাৰা পশ্চিম সমষ্টিৰ যুৱ কংগ্ৰেছৰ এখন কাৰ্য্যকৰী সভা অনুষ্ঠিত কৰা হয়। সভাত সভাপতিত্ব কৰে বিলাসীপাৰা পশ্চিম সমষ্টিৰ যুৱ কংগ্ৰেছৰ সভাপতি ছাফিজুৰ ৰহমানে (আলকাছ)।
সভাত ধুবুৰী জিলাৰ যুৱ কংগ্ৰেছৰ সাধাৰণ সম্পাদক আকতাৰ হুছাইন, কোকৰাঝাৰ জিলাৰ এন এছ ইউ আইৰ সভাপতি জয়নুদ্দিন সেখ, নায়েৰ আলগা ব্লক কংগ্ৰেছৰ সাধাৰণ সম্পাদক আফজালুৰ ৰহমান লগতে বিলাসীপাৰা পশ্চিম সমষ্টিৰ যুৱ কংগ্ৰেছৰ কৰ্মী সকলে উপস্থিত থাকি কংগ্ৰেছ দলৰ সাংগঠনিক দিশত আলোকপাত কৰাৰ উপৰি সমষ্টি খনৰ সামাজিক দিশত কাৰ্য্যক্ষম কৰাৰ উদ্দেশ্যে প্ৰস্তাৱ গ্ৰহণ কৰে।
উল্লেখযোগ্য যে এন আৰ চি, চৰাঞ্চলৰ ৰাস্তা ঘাটকে ধৰি বিভিন্ন সমস্যা মোকাবিলা কৰাৰ বাবে সভাত যুৱ কংগ্ৰেছ কৰ্মী সকলে সিদ্ধান্ত গ্ৰহণকৰে। সভাত অৰ্ধশতাধিক যুৱ কংগ্ৰেছৰ সদস্য-সদস্যা সকলে উপস্থিত থাকে।