newsnextoneবিহালীঃৰামদেৱৰ শিষ্য সতীনাথ বাৰালে অসম আৰু অসমীয়াৰ জাতিৰ জনক মহাপুৰুষ শংকৰদেৱক অপমান কৰা, নামঘৰত মিঠাতেলৰ বন্তি জ্বলোৱাক লৈ উদ্ভট মন্তব্য কৰি অসমীয়া জাতিৰ স্বাভিমানত আঘাত হনা কাৰ্যৰ প্ৰতিবাদত আজি সন্ধ্যা ৫ বজাত অসম জাতীয়তাবাদী যুৱ ছাত্ৰ পৰিষদ আৰু অনুসুচীত জাতি যুৱ ছাত্র সন্থাই বিহালীৰ বৰগাঙত যোগগুৰু ৰামদেৱৰ প্ৰতিমূৰ্তি দাহ কৰে সংগঠনটোৰ ডেৰ শতাধিক কৰ্মীয়ে বৰগাং চেন্টাৰৰ মাজমজিয়াত ৰাষ্ট্ৰীয় ঘাইপথত প্ৰতিমূৰ্তি দাহ কৰি,জাতি মাটি ৰক্ষাৰ শপত লোৱা সৰ্বানন্দ সোনোৱাল মুৰ্দাবাদ, ৰামদেৱ মুৰ্দাবাদ,পতঞ্জলী গো-বেগ,বনীয়াক বৰপীৰা দি অসমীয়া জাতিক অপমান কৰা বিজেপি চৰকাৰ মূৰ্দাবাদ ,ৰামদেৱক অসমৰ পৰা বহিস্কাৰ কৰক আদি শ্লোগান দি সংগঠনটোৱে বৰগাঙৰ আকাশ বতাহ কপাই তোলে৷
কাৰ্যসুচীৰ নেতৃত্ব দিয়ে অসম অনুসূচিত জাতি যুৱ-ছাত্ৰ সন্থাৰ বিশ্বনাথ জিলা সভাপতি সিংহজিত হাজৰিকা, অসম জাতীয়তাবাদী যুৱ ছাত্ৰ পৰিষদ, বৰগাং শাখা সমিতিৰ সম্পাদক চুচান্ত সিং ,অনুসূচিত জাতি যুৱ-ছাত্ৰ সন্থাৰ বিহালী আঞ্চলিকৰ সভাপতি অৰুন দাস,সম্পাদক যাদৱ দাস,জিলাৰ সদস্য ৰাজীৱ দাস, জিলাৰ প্ৰচাৰ সম্পাদক কুশল দাসে কাৰ্যসুচীৰ নেতৃত্ব দিয়ে৷