নকুলৰ ক’লাই সৰুৰ পেটত ভৰালে চুৰি

ৰঙিয়াঃ ৰঙিয়া আৰক্ষী থানা এলেকাৰ ৰঙিয়া চহৰৰ সমীপৰ নকুলত ঘৰুৱা কাজিয়াই ললে ভয়ংকৰ ৰূপ৷ সৰু আলী নামৰ এজন লোকক চুৰিৰে আক্ৰমণ কৰাত গুৰুতৰ ভাবে আহত হৈ সংকটজনক অৱস্থাত চিকিৎসালয়ত ভৰ্তি কৰিব লগা হয়৷

জানিব পৰা মতে, নকুলৰ সৰু আলি আৰু খচনুৰ আলীৰ পৰিয়ালৰ মাজত কাজিয়াৰ সুত্ৰপাত হয় দেওবাৰে৷ তাৰ মাজতে দস্যু প্ৰকৃতিৰ খচনুৰ আলীয়ে সৰু আলীক চুৰিকাঘাট কৰে৷

ফলত থিতাতে ঢলি পৰে সৰু৷ ততাতৈয়াকৈ একাংশ লোকে সংকটজনক অৱস্থাত সৰুক গুৱাহাটী চিকিৎসা মহাবিদ্যালয়ত ভৰ্তি কৰে৷ আক্ৰমণ কৰি পলায়ণ কৰে খচনুৰ আলী ওৰফে ক'লাই। পুৰ্বে এজন আৰক্ষীৰ লোকক আক্ৰমণ কৰি কাৰাবাস খাটি আহিছিল ক'লাই।