ফাইল ফটো
কাজিৰঙাঃ বনজ সম্পদ তথা অসমৰ সম্পদ এশিঙীয়া গঁড় ৰক্ষা কৰাৰ প্ৰতিশ্ৰুতি দি ৰাইজ ভোট আদায় কৰা অগপ, বিজেপি বিপিএফৰ মিত্ৰজোঁটৰ চৰকাৰে গঁড় ৰক্ষা কৰাত একপ্ৰকাৰ ব্যৰ্থ হৈছে৷ বৰ বৰ কথা কোৱা বন মন্ত্ৰী প্ৰমিলাৰাণী ব্ৰহ্মৰ বন বিভাগে গঁড় হত্যা ৰোধ কৰিব পৰা নাই৷
বৃহস্পতিবাৰে নিশা এটি গঁড় হত্যা কৰি খৰ্গ কাটি নিয়াৰ ১০০ ঘন্টা পাৰ নৌহওতেই পুনৰ দুটাকৈ গঁড় হত্যা কৰিলে চোৰাং চিকাৰীয়ে৷ কাজিৰঙাত পুণৰ গড়ঁ হত্যা হোৱাৰ ঘটনাই তীব্ৰ চাঞ্চল্যৰ সৃষ্টি কৰিছে৷ কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চলৰ টুনিকাটি বনশিবিৰ এলেকাত মাক-পোৱালী গড়ঁ নিধন কৰে চোৰাং চিকাৰীয়ে৷ শনিবৰে নিশা প্ৰায় ১১ বজাত সংঘটিত হয় এই ঘটনা৷ জানিব পৰা মতে, খৰ্গলৈ উধাও হৈছে চোৰাং চিকাৰী৷ উল্লেখ্য যে, বৃহস্পতিবাৰে নিশা একে ঠাইতে চোৰাং চিকাৰীয়ে হত্যা কৰিছিল এটা মতা গঁড়৷