newsnextone.com। তেজপুৰঃ তেজপুৰ সাহিত্য সভাৰ উদ্যোগত আৰু শোণিতপুৰ জাৰ্নেলিষ্ট ইউনিয়ন, শোণিতপুৰ প্ৰেছক্লাব, তেজপুৰ প্ৰেছ ক্লাৱৰ সহযোগত শনিবাৰে বিয়লি তেজপুৰ সাহিত্য সভা ভৱনত বিশিষ্ট সাংবাদিক তথা ‘দৈনিক জনমভূমি’ আৰু ‘জনমভূমি’ কাকতৰ সম্পাদক উৎপল বৰুৱাই তেজপুৰ সাহিত্য সভাৰ সহকাৰী সম্পাদক দেৱব্ৰত শৰ্মাৰ ‘সংবাদ, সাংবাদিকতা আৰু তেজপুৰৰ সংবাদকৰ্মীৰ ৰূপ ৰেখা’ শীৰ্ষক গ্ৰন্থখন উন্মোচন কৰে।
তেজপুৰ সাহিত্য সভাৰ সভাপতি হেমন্ত কুমাৰ বৰুৱাৰ পৌৰহিত্যত পংকজ বৰুৱাই আঁত ধৰা অনুষ্ঠানটিত বিশিষ্ট অতিথি হিচাপে শোণিতপুৰ জিলাৰ উপায়ুক্ত মনোজ কুমাৰ ডেকা, সন্মানীয় অতিথি ৰূপে অসম চৰকাৰৰ পাঠ্যপুথি প্ৰণয়ন আৰু প্ৰকাশন নিগমৰ অধ্যক্ষ ৰাজেন বৰঠাকুৰে অংশ গ্ৰহণ কৰে।
তেজপুৰৰ প্ৰবীণ শিল্পী সচ্চিদান্দ বৰা, অজিত দাস পৰিচালিত অসম সাহিত্য সভাৰ উদ্বোধনী গীতেৰে আৰম্ভ হোৱা অনুষ্ঠানত অন্বেষা কাঞ্চন বৰাই সুধাকণ্ঠৰ গীত পৰিবেশন কৰে।